गावकरी व नातेवाईकांमध्ये हा खून भुताने केल्याची होती चर्चा..
साधारणतः एक महिन्यापूर्वी मौजा मलमपुदुपुर येथील शेतामध्ये मयत महिला नामे कल्पना विलास कोठारे हिने नायलॉन दोरीच्या सहाय्याने गळफास घेऊन आत्महत्या केल्याची घटना घडली होती त्याबाबत लाहेरी पोलीस स्टेशनमध्ये कल्पना हिने स्वतःच्या आजाराच्या त्रासाला कंटाळून आत्महत्या केल्याबाबत तिचे पती विलास कोठारे यांनी सांगितले होते. त्याबाबत पोलिसांनी तपास सुरू केला होता त्याबाबत पोलिसांना ही आत्महत्या नसून कुणीतरी गळा दाबून तिचा खून केल्याचा संशय असल्याने पोलिसांनी लाहेरी पोलीस स्टेशन येथे अप क्रमांक ०२/२०२३ भादवी कलम ३०२,२०१ अन्वये गुन्हा नोंद केला होता परंतु काही एक पुरावा मिळत नसल्याने याबाबत पोलीस संभ्रमात होते. सदरची घटना शेतामध्ये झाल्याने कोणीही जवळपास ही घटना पाहिली नाही अथवा कुठलेही पुरावे पोलिसांना मिळत नव्हते. त्यानंतर पोलिसांनी नातेवाईकांकडे व गावकऱ्यांकडे सदर प्रकरणाबाबत विचारणा केली असता सदरचा खून हा विलास कोठारे यांची पहिली पत्नी हिने कल्पना हिच्या अंगात येऊन तिचा खून केला असे नातेवाईक व लोकांनी पोलिसांना सांगितले व सदर प्रकार बाबत कुठल्याही माणसावर त्यांचा संशय नाही असे सांगितल्याने पोलीसांची सुद्धा तारांबळआहे.
ली. परंतु पोलिसांनी आपला तपास कायम ठेवत अथक परिश्रमानंतर पोलिसांनी वेगवेगळ्या शकली लढवून वेगवेगळ्या साक्षीदारांना तपासून , तसेच वेगवेगळ्या वैज्ञानिक दृष्टीने तपास करून समुद्रातून मोती शोधावा तसे लाहेरी पोलिसांनी तब्बल एक महिन्यानंतर आरोपीं नामे गुड्डू गावडे याने सदर गुन्हा केल्याचे कबूल केल्याने त्यास बेड्या ठोकल्या. आरोपी नामे गुड्डू गावडे यास अटक केल्यानंतर अधिक चौकशीमध्ये पोलिसांना समजले की मयत महिला कल्पना कोठारे यांचे मोजा मलमपुदुर येथे पोल्ट्री फार्म व राईस मिल होते त्यावर कल्पना हिच्या दिराचा साला गुड्डू हा मागील तीन वर्षापासून तिथेच कामाला व रहावयास होता. कल्पना कामावरून गुड्डू यास वेळोवेळी रागवायची तसेच गुड्डू हिच्या बहिणी सुद्धा घर कामावरून कधी कधी रागवायची तसेच गुड्डू गावडे यांच्या एकतर्फी प्रेमा बाबत कल्पना हीस माहिती असल्याने तोच राग मनात धरून गुड्डू याने मध्यरात्री कल्पना हिच्यावर पाळत ठेवून ती रात्री बाथरूम साठी उठल्याने पाठीमागून जाऊन तिचा गळा दाबून कुणावरही संशय येऊ नये म्हणून दोरीच्या साह्याने झाडास लटकवून आत्महत्या आहे असे भासवले. परंतु” कानून के हात बहुत लंबे होते है” या म्हणी ला सार्थआहे.
पोलिसांनी अखेर गुड्डू नामक भुताच्या मुसक्या आवळल्या सदर गुन्ह्याचा प्राथमिक तपास पोलीस उपनिरीक्षक संतोष काजळे, महादेव भालेराव यांनी केला असून पुढील तपास पोलीस उपनिरीक्षक सचिन सरकटे साहेब करीत आहेत.सदर तपासामुळे लोकांच्या मनातील अंधश्रद्धा कमी होऊन पोलिसांच्या कामाचे सर्वत्र कौतुक होत आहे.
प्रभारी अधिकारी संतोष काजळे : लाहेरी सारख्या अतिदुर्गम व नक्षलग्रस्त भागात वैज्ञानिक पुराव्यांची जमा जमा करणे खूप कठीण जाते. तसेच जादूटोणा व भूत प्रेत यांच्यावर त्यांचे अंधश्रद्धा असल्याने आरोपी हे सहजपणे गुन्हा करून मोकाट फिरतात. तसेच पोलिसांच्या मदतीकरिता साक्षीदार म्हणून पुराव्याच्या दृष्टिकोनातून कोणीही पुढाकार घेत नाहीत. तसेच बरेच वैयक्तिक द्वेशातून झालेले खून नक्षलांचे नावाखाली भरकटून जातात व गुन्हेगार कायद्याच्या कचाट्यातून वाचतात व पीडित लोकांना न्याय मिळत नाही.परंतु आता लोकांच्या सहकार्यामुळे आता कुठलेही गुन्हेगार पोलिसांच्या कचाट्यातून सुटणार नाहीत याची आम्ही ग्वाही देतो.
